తెలుగులో వివరములు:

English:

11కోట్ల శ్రీమన్నారాయణ జపయజ్ఞంలో పాల్గొనండి.

శ్రీ పంచాయతన సహిత అయుత శ్రీమహావిష్ణు మహాయాగములు

"ఓం నమో నారాయణాయ"
" అయుత మహ విష్ణు యాగం" లో భాగంగా జరుగుతున్న " 11 కోట్ల జపయజ్ఞం " లో మీవంతు సహకారం గా పాల్గొనండి.

మీరు చెయ్యవలిసింది ముందుగా ఇక్కడ ఇచ్చిన "Pictures" - Print Out తీసుకోండి . మగవారు "ఓం నమో నారాయణాయ"అనీ, స్త్రీలు " నారాయణాయ నమః " అని ఒక్కసారి స్వామిని స్మరించి ఇచ్చిన పట్టికలో ఒక బిందువును పెన్ను లేదా పెన్సిల్తో మార్క్ చెయ్యండి ఇలా ఒక పత్రికలో 1,080 సార్లు చెయ్యవచ్చు ఆసక్తి ఉన్నవారు ఇలా ఎన్ని పత్రికలో చెయ్యగలిగితే అన్నిసార్లు పేజెస్ చెయ్యండి . కనీసం1 లేదా 11 మీఇష్టం . ఈ జపయజ్ఞంలో మీరు మాత్రమే కాకుండా మీ బంధువులు స్నేహితులు ఎవరైనా సరే భక్తులకు అందించండి జప యజ్ఞం నందు వారికికూడా అవకాశం ఇవ్వండి.

ఇలా నింపిన ప్రతులను మీ గోత్ర నామాలతో పాటు మా అడ్రెస్స్ కు కొరియర్ చెయ్యండి. మీ అడ్రెస్స్ , ఫోన్ నెంబర్ తప్పకుండా వ్రాయండి . లేదా 9642072905 కు WhatssApp చేయండి. ప్రతులు పంపినవారికి స్వామి వారి యజ్ఞ ప్రసాదం పంపబడును.

యదాద్రి నరసింహ క్షేత్రంలో మీరు వ్రాసిన ప్రతులు నిక్షిప్తము చేస్తాము. దయచేసి ఈ విషయం అని ఫేస్ బుక్ మరియు వాట్స్ ఆప్ లులో ఫార్వర్డు చెయ్యండి.

యజ్ఞోవై విష్ణుః! యజ్ఞ ఏవాన్తతః ప్రతితిష్ఠతి!! శ్రీ మహావిష్ణువు యజ్ఞ స్వరూపుడు. వేష్టి వ్యాప్నోతీతి విష్ణుః! విశ్వమంతా వ్యాపించి జీవరాశులన్నిటినీ పరిపాలించువాడు.  84 లక్షల జీవులలోనూ జన్మించి చివరకు మానవజన్మ (మా-వద్దు, నవజన్మ- కొత్త జన్మ) పొందిన మనందరికీ సంసార బాధలుతొలగి, జన్మచక్రం నుండి విముక్తులగుటకు శ్రీమహావిష్ణువే శరణ్యము. శ్రీమహావిష్ణు ఆరాధనవలన నిత్యజీవన సమస్యలు తొలగి, కుటుంబ వ్యవస్థలో శాన్తి- సౌభాగ్య- ఆనన్ద- ఐశ్వర్వ- విజ్ఞాన- ఆయుష్యమయ సుఖజీవనములు కలిగి మానవజన్మ సార్ధకతకై మరియు సకల విశ్వశాంతినీ, సకలప్రాణికోటి పరిరక్షణనూకోరి జగద్రక్షకుడు, సకల కల్యాణకారకుడు, ఆద్యంత రహితుడై  "పరిత్రాణాయ సాధూనాం- వినాశాయచ దుష్కృతాం ! ధర్మ సంస్థాపనార్ధాయ సంభవామి యుగే యుగే "!! అని స్వయంగా వచించి లోకాలను పరిపాలిస్తూ అనేక రూపాలతో అవతరించి మనలచే కొలువబడుతూ, మనలను పరిరక్షిస్తున్న అఖిలాండకోటి బ్రహ్మాండ నాయకుడికి  ఈ విశ్వశాన్తి మహాక్రతువులు. నవనారసింహ మహా క్షేత్రములలో ఒకటై, ప్రహ్లాద వరదుడై శాంతించి,  శాంతా-ఋష్యశృంగ మహర్షి దంపతుల పుత్రుడు యాదమహర్షి తపస్సుకు మెచ్చి, పంచ నారసింహ  (శ్రీ ఉగ్రనారసింహ- శ్రీ జ్వాలానారసింహ- శ్రీ గండభేరుండనారసింహ- శ్రీ యోగనారసింహ- శ్రీ లక్ష్మీనారసింహ) రూపములతో  ఆవిర్భవించిన   యాదాద్రి శ్రీలక్ష్మీనరసింహస్వామి దివ్యచరణ సన్నిధిలో, అత్యంత అరుదుగా, భారతదేశ చరిత్రలో గత సహస్రాబ్దిలో మొదటిసారిగా, తెలుగునాట అపూర్వరీతిలో,  అష్టోత్తర శతకుండాత్మక శ్రీసుదర్శన మహాయన్త్ర ప్రస్తార  మహాయాగశాలలో  చాతుర్మాస్య దీక్షతో, 126 రోజులలో, 12లక్షల మందికి   అన్నసమారాధనతో, సహస్రాధిక  ఆచార్య బ్రహ్మాది ఋత్విజులచే ఈ మహాక్రతువులు నిర్వహించబడనున్నవి.
              

ప్రపంచం నలుమూలలా విస్తరించియున్న యావన్మంది ప్రజానీకమునకు, ప్రత్యేకించి యావత్ తెలుగు జాతి - భారతావని ప్రజావళికి, భక్తవరేణ్యులకు; మితృలు’ హితులకు; శ్రేయోభిలాషులకు; ఆర్షధర్మ పోషకులకు ; విదేశనివాసితులైన (ప్రవాస)తెలుగు మితృలకు; ఫేస్ బుక్ మితృలకు; లింక్డ్-ఇన్ మితృలకు విజ్ఞాపన; అనంతకోటి వేదోక్త నమస్సుమాలు.

వదాన్యులు, వితరణశీలురు, ఆర్జితసేవాపేక్ష గల్గిన భక్తులు తమ-తమ పరిధిని-స్థాయిని అనుసరించి మున్నెన్నడూ నిర్వహింపబడని ఈ లోకకల్యాణ మహాక్రతువును జయప్రదం గావించుటకు వెంటనే తమ తక్షణ ఆర్ధికసహాయ-సహకారములను అందించవలసినదిగా సవినయ విన్నపములు. ఏర్పాట్లు ఎప్పటినుంచో ఆరంభిస్తేకాని ఇట్టి అపూర్వ దృశ్య - శ్రవణ కావ్య సందర్శనకు అవకాశం లభింపదు.

విజ్ఞులూ, చదువరులూ, పురాణ ప్రవచణాది శ్రవణములకు వెళ్లేభక్తులు,భాగవతోత్తములు ఈ విషయం సమగ్రంగా గ్రహించి మావిన్నపమును సహృదయంతో స్వీకరించి యధాశక్తి తక్షణ ఆర్ధిక సహాయ-సహకారములను సమకూర్చవలసినదిగా మరొక్కసారి సవినయంగా కోరుతున్నాము.

కేవలం లోకహితమే ధ్యేయంగా, ధనసముపార్జనాపేక్ష రహితంగా, సమస్త విశ్వకల్యాణమే పరమావధిగా భావించి మిత్రులు, హితులు, ఆర్షధర్మ పోషకులు, అశేష భక్త జనావళి సహాయ-సహకార-ప్రోత్సాహములతో గతంలో1995యువనామ సంవత్సరం నుండీ ప్రతి సంవత్సరం 16 సంవత్సరములు నిరవధికంగా కార్తీక మాసములలో హైదరాబాద్ మహానగరమున వివిధ ప్రదేశములలో గల వివిధ దేవాలయములకు అనుసంధానం చేసి 16 మహాయాగములు నిర్వహించి, తదనంతరం మున్నెన్నడూ ఈ 8-9 దశాబ్దకాలములో కనియుండని అపూర్వరీతిలో, అత్యంత అద్భుతంగా, భగవత్ ప్రీతికరంగా, జనరంజకముగా, కడు సమర్ధవంతంగా, శాస్త్రోక్త విధి-విధానంగా 2012 సంవత్సరం ఏప్రిల్-మే నెలలలో 12 రోజులు భద్రాచలం శివారు ఏటపాకలో "అతిరాత్రం" మహోన్నత శ్రౌత సోమయాగమునూ, 2013 ఫిబ్రవరిలో మురమళ్ల గ్రామమున "అతిరుద్రం" అత్యంత ప్రతిష్టాత్మకమైన మహోన్నత స్మార్త యాగమునూ, 2015 జనవరి నెలలో కర్నూలుసమీప గార్గేయపురం గ్రామమున "అప్తోర్యామం" అత్యంత ఉత్కృష్ట మహోన్నత సోమయగముతో బాటు"మహాసౌరం" మహోన్నత ఉత్కృష్ట స్మార్తయాగమును ఏకకాలమున ఒకే ప్రాంగణమున, రెండు విడివిడి యాగశాలలో, విడివిడి బృందాలతో నిర్వహించి'బహు యజ్ఞకర్తగా' పేరొందిన జ్యోతిష-ముహూర్త-స్మార్త- వాస్తు విషయ సలహాదారులు బ్రహ్మశ్రీ కేసాప్రగడ హరిహరనాధ శర్మ - రాధాకృష్ణకుమారి పుణ్య దంపతుల దీక్షా కంకణ నేతృత్వమున, కె.హెచ్.ఎస్.సేవా ట్రస్ట్ నిర్వహణా-పర్యవేక్షణలలోస్వస్తిశ్రీ చాంద్రమాన శ్రీ హేమలంబి నామ సంవత్సర ఆషాడ శుక్ల పంచమీ సౌమ్యవారం నుండి అనగా ది.28.06.2017 బుధవారం నుండి  కోటి సంఖ్యాక అష్టాక్షరీ మంత్ర జపం తో ఆరంభించి తత్ దశాంశమైన పదిలక్షల తర్పణములతో ముగించి,  కార్తీక శుక్ల ప్రతిపత్(పాడ్యమీ) భృగువారం (20.10.2017 శుక్రవారం) నుండి 12 రోజులలో అనగా ది.31.10.2017 భౌమవారం వరకు లక్ష పురుషసూక్త పారాయణలు, పదివేల పురుష సూక్త హోమములు; 10,800 శ్రీసూక్త పారాయణలు; 1,080 శ్రీసూక్త హోమములు; 1,080 భూసూక్త పారాయణలు, 108 భూసూక్త హోమములతో ---​ 

       “శ్రీ పంచాయతన సహిత అయుత శ్రీమహావిష్ణు మహాయాగం" అత్యంత శాస్త్రోక్త విధి-విధానముగా, కఠోర నియమ-నిబద్ధతలతో, వివిధ విశేష కామ్య హోమములు, అభిషేకములు, చతురావృత తర్పణములు,  కుంకుమార్చనలు మేళవించి (అనుసంధానము చేసి) కారీక శుక్ల ఏకాదశీ (ఉత్థాన ఏకాదశీ) భౌమవారం వరకు నిర్వహింపబడి, మహాపర్వదినమైన కార్తీక శుక్లా ద్వాదశీ (క్షీరాబ్ది ద్వాదశీ) సౌమ్యవారం (ది.01.11.2017 బుధవారం) మహాశాంతి హోమం- పూర్ణాహుతి- అన్నప్రసాద వితరణలతో  సమస్త జగత్ కల్యాణమును అపేక్షించి బ్రహ్మశ్రీ కేసాప్రగడ హరిహరనాధ శర్మ గారి నేతృత్వమున 127 రోజులు నిర్వహింపబడనున్న21వ (ఏకవింశతి సంఖ్యాక ) మహాక్రతువులివి.
అత్యంత వ్యయ-ప్రయాసలతో కూడి, సకల విశ్వశాంతిని, సమస్త జీవరాశి మరియు ప్రజాహితమునూ కాంక్షిస్తూ నిర్వహింపబడనున్న ఈ జగత్ కల్యాణ కారక మహా క్రతువులకు  తమ-తమ స్థాయి- అనుకూలతలను బట్టి తక్షణ సహాయ-సహకార-ప్రోత్సాహములను, విరాళ వితరణను అందించి ఈ మహాక్రతువులను జయప్రదం చేయగోరుతున్నాము.


యాగస్థలం:    Z.P. హైస్కూల్ ప్రాంగణం, బస్టాండ్ ఎదురుగా, (యాదగిరిగుట్ట), యాదాద్రి - 508115 ,

యాదాద్రి జిల్లా, తెలంగాణ, భారత్


 
ఈమహాక్రతువులకు ఉదాత్తంగా సహకరించగోరుతూ సవినయంగా విన్నపములు:


 భక్తకోటికి సమాహ్వానములు !!

 

మంగళమ్ మహత్!  శ్రీశ్రీశ్రీ !!

 

ఓం నమో నారాయణాయ !! 
 

OM NAMO NARAYANAYA ! ఓం నమో నారాయణాయ ! ओं नमो नारायणाय ! !OM NAMO NARAYANAYA ! ఓం నమో నారాయణాయ ! ओं नमो नारायणाय !! OM NAMO NARAYANAYA ! ఓం నమో నారాయణాయ ! ओं नमो नारायणाय !! OM NAMO NARAYANAYA ! ఓం నమో నారాయణాయ ! ओं नमो नारायणाय ! !OM NAMO NARAYANAYA ! ఓం నమో నారాయణాయ ! ओं नमो नारायणाय !! OM NAMO NARAYANAYA ! ఓం నమో నారాయణాయ ! ओं नमो नारायणाय !!